[عمرو عقبه]

كل سنه وانتم طيبين جميعا..
دى اول مشاركه لى معاكم..
ويارب حد يفيدنى..

عندى مشكله لا العفشجى عارف ليها حل ولا الميكانيكى..
فى الطلعه وبعد المطبات .. بسمع صوت طقطقه من ناحية اليمين قدام..

الطقطقه دى ساعات تكون طقه واحده بس واحيانا تكون طقات متتابعه وصوتها ناشف وحاد وبيكون مع الطلعه من الوقوف والطلعه بعد المطبات مش مع الملفات..
مع العلم..
الكبالن جديده والمساعدين جديده وبيض المقصات جديد.. رحت للعفشجى بص على العفشه كلها وعاد تربيطها وقالى سليمه كلها شوف قواعد الموتور عند ميكانيكى..
الميكانيكى نام تحت العربيه وعطى العربيه غيار وحركه ورا وقدام وراجع على القواعد ما وصلش لحاجه..
والمشكله لسه موجوده..
وعلى فكره اللى باع لى العربيه قالى انه غير الكبالن برضه والطقطقه دى مراحتش..
يعنى انا غيرت الكبالن والراجل غيرها ولازالت المشكله..
وعلى فكره العربيه فيها شدادات جامده جدا ماسكه العجل مع الشاسيه ومع القنطره الاماميه..
وانا قلقان..
حد يفيدنى الله يبارك لكم.. بس محدش يقول كبالن عشان دى روسى مش صينى وجديده..