ابوس رجليكم عايز حل سريع
السلام عليكم ورحمة الله وبركاته
يا جماعة
مشكلتي تتلخص في الماستر العمومي للبروتون ساجا بتاعتي
من حوالي سنة لقيت دواسة الفرامل بتهرب مني في اشارات المرور
يعني الدواسة بتبقى زي الفل لما ادوس فرامل والفرامل بتكون حديد لكن لو ثبت رجلي شوية على الفرامل في اشارة مرور مثلاً تنزل معايا الدواسة للآخر
ولما كنت لسه في فترة الضمان رحت عز العرب الصحراوي قالولي ده الماستر العمومي للفرامل عايز يتغير
بس المشكلة انه مش موجود
هاتحجز واحد معانا ولما ييجي من ماليزيا حانبقى نقوللك
المهم حجزت واحد ومرت الأيام لا حس ولا خبر فاضريت اني ادور على الميكانيكية لحد ماربنا وفقني لميكانيكي عملي طقم إصلاح والعربية بقت تمام
المشكلة دلوقتي ان الموضوع اتكرر تاني ومانفعش معاه طقم الإصلاح لأن الماستر بايظ من جوة
فأنا محتاج ماستر للفرامل ومش لاقيه في التوكيل ولا في الموزعين ولا طقم الإصلاح نافع
أعمل ايه؟؟
|