المشاركة الأصلية كتبت بواسطة ksa2000
ذي صوره لنفس الدينمو الي عندي
اخي في منتدى اخر طرحت نفس الوضوع
وكان الرد عليه
قالو
اتوقع الفيوز ماراح تتحمل
وتنحرق اذا زودت عدد الامبير |
انا مش مقتنع بالكلام ده ... و اتمنى ان احد الاعضاء ياكد كلامى او ينفيه
فيوز ايه الى يتحرق ؟؟!!!!
فيوز اى جهاز كهرباء مثلا ؟؟ زى مروحة التكيف الداخلية ؟؟ لأ طبعا مش صحيح
الفيوز ده يتحرق لما المروحة دى تسحب كهربا ( امبير ) اعلى من المصممة عليها ... و بالتالى .. اعلى من قدرة الفيوز على التحمل ... بمعنى .. لو المروحة محطوط لها فيوز 10 امبير .... اذن الفيوز يتحرق لما المروحة تسحب كهربا اعلى من 10 امبير ... فى ظروف التشغيل العادية المروحة دى تسحب 8 امبير
متى تسحب المروحة تيار اعلى ؟؟!! ممكن لما ملفاتها تضعف ... او ملفاتها تسيح و تعمل تلامس داخلى
الدينامو ال 200 امبير .. معناه انه اقصى قدرة ممكن يديها الدينامو هى 200 امبير ... طيب ممكن اخد منه 90 امبير بس ؟ ممكن بدون مشاكل ..
ممكن اسحب منه 10 امبير ؟؟ ممكن طبعا
حضرتك اسأل اكتر و لو عرفت معلومات مختلفة يا ريت تبلغنى و نتناقش فيها ... انا احب اتعلم
ربنا يوفقك