المشاركة الأصلية كتبت بواسطة الصيداح
سؤال
في كلام حضرتك أنك علشان تعدي عربية بسرعة محتاج تنقل من الرابع للثالث علشان يديك قوة بسرعة؟
طيب هو مش في المانيوال العادي لو كنت ماشي بسرعة معينة مثلا الرابع وبعدين نزلت بالفتيس للثالث وأنا ضاغط بنزين هل دا يديك سرعة زيادة
أنا أفتكر أني عملتها في عربيتي بس لقيت العربية بترج وتحدفك للأمام وسرعتها تتباطئ بدرجة كبييرة مرة واحدة ودا غلط -هي العربية حالتها تعبانة يعني ممكن دا يكون عيب في العربية-
؟
|
ماهو لو ماشي بسرعه عاليه تفوق سرعه الغيار التالت حتلاقي العربيه لازم تهدي منك لان كل غيار و ليه سرعه محدده
ما ينفعش مثلا في المانيوال اكون ماشي 140 علي الرابع مثلا و اقوم ناقل التالت كده العربيه ممكن تهدي مني مش تزيد سرعتها
نفس الكلام في الاتوماتيك
لو ماشي اقل من 80 و دوست علي الزرار او نقلت الرسعه 3 العربيه مش حيتغير فيها اي شئ و حتوصل لحد سرعه معينه و مش حتزيد عنها
الا لما تدوس الزرار تاني و ساعتها حتفتح النقله الرابعه و تبدأ تاخد سرعاتها مره تانيه.
لو ماشي علي 120 مثلا او 140 و دوست علي الزرار حتلاقي العربيه اتكلبشت معاك نتيجه انك نقلت من الرابع للتالت و السرعه غير مناسبه للغيار التالت