رد: بي واي دي 2014
لو قارنت بين الصينى و الألمانى يبقى بتتكلم فى معادله صعبه
لو الإثنين زيرو: يبقى الألمانى و خلص الكلام
لو مستعمل (يعنى محتاج صيانه): هتلاقى صينى صيانته رخيصه و مشاكله كتير (مشاكل خامات و تقفيل و استخدام)
و هتلاقى ألمانى صيانته أسعارها ناااااار بس مشاكله أقل (مشاكل استخدام فقط)
و بين ده و ده الوسط: اليابانى ثم الكورى
عندك الكورولا و اللانسر و الصنى : من أشهر العربيات اليابانى اللى تركبها و تنسى الصنايعيه, بس الصيانه غاليه شوية
و عندك الدايو(لانوس و نوبيرا) و الكيا (بكل موديلاتها) و الهيونداى (بأنواعها): عربيات كورى صيانتها أرخص من اليابانى (غالباً مش دائماً) بس مشاكلها ممكن تزيد شوية حسب الأستخدام
---------------------
الكلام ده بوجه عام
بالنسبة للـ BYD عربية ممتازة زيرو بس متقعدهاش معاك كتير, 3/4 سنين بالكتير و غيرها لأن سعرها بيقع أوى فى سوق المستعمل, كفاية لما المشترى يقولك دى صينى تحس إنها شتيمه.
__________________
|