رد: مشكله في سحب السياره a516
الف شكر ليك يا م-استرا بجد بستفيد كتير من خبرة حضرتك وانا كلمت الميكانيكي النهارده وهوديهاله بكره ان شاء الله وهقوله يبص علي سويتش دواسة البنزين وسويتش الفرامل بس انا لاحظت النهارده وانا سايق العربيه حاجه كمان غريبه ان مثلا انا ماشي ع الغيار التاني ووصلت لسرعة 40 اديت الغيار التالت ودست بنزين السحب بيبقا ضعيف لكن لو شلت رجلي من علي دواسة ابنزين وحطيتها تاني العربيه بتسحب كويس ونفس الكلام لو علي الغيار التالت وبنقل للغيار الرابع غير اني لاحظت ان استهلاكها للبنزين عالي شويه يعني حطيت 42 لتر بنزين مشيت بيهم 360 كم بسيعني استهلاك 1 لتر لكل 8.5 كم وانا مشغل التكييف ومتهيا لي ده استهلاك عالي
ايه تفسير حضرتك للحاجات دي؟
وسؤال بقا كمان معلش استغلال بقا ههههههههههههههههه
احط زيت شل كام الف (اللي لونه ايه ومكتوب عليه ايه)واغيره علي اد ايه واحط كام كيلو مع العلم اني بامشي كتير يعني حوالي 4000 كيلو في الشهر
معلش بقا يا استاذنا تعبتك معايا باسئلتي
وشكرا مقدما
|