[Bendary]

فعلا القرار صعب جدا جدا
انا شخصيا انتابتنى هذه الحيرة لفترة طويله قضيتها فى التردد من قرار لأخر ، فى التنقل بين اسعار الزيرو والمستعمل ومميزات وعيوب كل سيارة واخرى
وكل من يعرض عليك رايه يكون فعلا رأى جيد ولكن من وجهة نظر صاحبه .
ومن هذه الاراء:
- الفقير يشترى الزيرو ( ده مثل عشان تكلفة تصليح المستعمل كل شوية)
- لست غنيا حتى اشترى سيارة بالتقسيط ( مثل انجليزى : يوضح فرق سعر الفوايد المضاف على سعر السيارة )
- على قد لحافك مد رجليك : يعنى على قد السيولة اللى معاك تجيب مستعمل بحالة كويسه وكده كده هتصرف عليها.
- بص يا معلم الزيرو زيرو - ده كفاية ريحه الفابريكة - ولما تزعق لابنك الصغير عشان وقع علبه العصير ع الكنبة والفرش لسه جديد .
- ياعم بدل ما تركب فيرنا او لانوس زيرو ويبقى عليك اقساط ، هاتلك لانسر كريستاله ( ده على سبيل المثال ) ويبقى اسمك راكب لانسر حاجه فخيمة .

طبعا كل دى اراء على قدر كبير من الصحة .
وأخيرا : دع قرارك ينبع من داخلك حتى تكون مرتاح له حيث ان كل شخص منا أدرى بامكانياته وبما يتناسب مع ظروفه واحتياجاته . كما ان المعروض فى السوق يساهم بشكل كبير فى القرار المتخذ
اما بالنسبة لرأى الشخصى فى التصويت :
اذا لم تجد المستعمل بحالة جيده جدا وتكون سيارة من حد معرفة او موثوق فيه ، يبقى الزيرو تمنه فيه .
وربنا الموفق