رد: عربيتك نوعها إيه ؟؟؟
هيونداي ماتريكس 2007 اوتوماتيك
جبتها زيرو بس دلوقتي عامله 48000 كم
عربية عمليه جدا (MPV - multi purpose vehicle) وده لأنها من تصميم بنينيفارينا واعتقد انه بيصمم لل بي ام دبليو و الفيراري.
ابعادها ومقايسها مختلفة كتير واسعه جدا من جوه الكرسي زي كرسي الصالون سافرت بيها شرم (كنا اربعه كبار و طفلين والشنط) وما تعبتش من القاعده جواها عكس السيينا الي كان اي مشوار بيقطملي ضهري.
من مميزاتها ان الكنبة ممكن تميل الظهر وتتحرك زي الكراسي بالظبط وده بيساعد في تكبير الشنطة بس عيب الشنطة انها راسية يعني تشيل الحاجة فوق بعضها.
هي عربية عائلية جدا وخصوصا للاطفال لانهم يقدروا يبصوا من الشباك و هما قاعدين و قدامهم مسند في ظهر الكرسي. و ممكن تنقل بيها اس حاجة تقريبا لانها هاتشباك و سلسه جدا و ناعمه
جبت بيها 170 و stability معقولة باعتبار ان اي عربية فوق 140 بتبقى مركب في ميه
بس مش عارف ليه كل ما بسوقها بفتكر نفسي وانا بزق عربية الطلبات في هايبر وان ..... احساس ان انت بتعمل حاجه ليك و للي معاك ...!!! ( من الاخر هي عربية عائلية يعني كل اللي يركبها معاك حيكون مبسوط بس الي سايق مش حيحس بشخصية العربية لانها متعددة الشخصيات!!!!)
سيارة الاحلام ..... مينفعش عربية واحدة طالما بنحلم بقى
بورش كايين و معاها بي ام 525 وسيتروين جراند بيكاسو و لو كان فيه شوارع تنفع ممكن معاهم اي حاجة لامبورجيني او فيراري
|