المشاركة الأصلية كتبت بواسطة ahmed_eng2001
فعلا زى ما وضحت حضرتك .... و دى مشكلة الى بيركب عربيات مش منتشرة ... لن تجد الدعم الكافى فى قطع الغيار و لا كمان فى الخبرات .... مع انى من هواة اكتشاف الجديد و غير المتداول
حضرتك ممكن تسأل فى قسم الرينو ... ان شاء الله حد يفيدك اكتر
|
تسلم يارب يا استاذ احمد
انا بالفعل دورت فى مواضيع قسم الرينو والستروين وهى كتير جدا ما شاء الله
انا عاجبنى شكل الكليو عن الاكسارا
انا بشوف اكسارا كتير جدا بحكم وجودى الدائم فى عين شمس خصوصا ان انا معايا ستروين ax ودايما بشوف الاكسارا عند الصنايعيه اللى بتعامل معاهم
قريت كتير عن العربيتين لاقيت ان استهلاك البنزين فى الكليو فعلا مذهل وبيوصل ل 300 ك فى الصفيحه بس قصاد ده لقيت ان قطع غيارها غاليه جدا وفيها مشاكل موحده تقريبا عند الناس كلها زى طرمبه البنزين مثلا وان الكنبه اللى ورا ضيقه
بحكم ان معايا ستروين ax فأنا ميال لشراء اكسارا لانى عارف اعتماديه الستروين كويس جدا وفى نفس الوقت مش هاغير الناس اللى بتعامل معاهم فى قطع الغيار او الصيانه ولكن على النقيض شكل الكليو عاجبنى اكتر بنسبه 50 % وبرضه الرغبه فى التغيير وتجربه ماركه اخرى غير الستروين خصوصا انى سوقت رينو كتير قبل كده وحسيت فيها بنفس نعومه وقوة سحب الستروين
موضوع محير صح؟
