المشاركة الأصلية كتبت بواسطة ADEL AL SHAAIRY
مش مسألة صحراء الموضوع ان حضرتك مختار عربيتين ملهومش سوق فى مصر وبالبلدى عربيات بايرة يعنى حالها واقف بس ياسيدى هى دى المشكلة  |
عادل باشا
مساء الفل
اختلف مع حضرتك تماما فى موضوع عربيات بايرة
يا باشا الاوربى عموما والفرنساوى خصوصا مش باير ولا حاجه انما هى ثقافه الشعب المصرى وثقافه الميكانيكى اللى لامؤاخذه مابيفهمش حاجه وبيوقف قدام الرينو والا الستروين يهرش فى راسه وهو مش فاهم اى حاجه ولا يعرف يتعامل مع التكنولوجيا المتطورة اللى فى العربيه فيروح قايلك يا عم ايه البلوة اللى انت جايبها دى ماجبتش كورى ليه يعنى اللى بيتحكم فينا ثقافه شعب غلط مش سوء العربيه
ثقافه شعب يفضل ال 127 وال 128 على عربيات محترمة زى المازدا والرينو والستروين القديم
وعموما انا معايا ستروين ax ورغم انها اقل حاجه فى الستروين بس والله لسه رايح بيها مرسى مطروح اول الشهر ده وراجع غير المشاوير اللى هناك (1500 كيلو) والحمد لله مفيش حتى فرده كاوتش نامت واخويا معاه رينو 9 موديل 84 وكان معايا ونفس القصه
مع احترامى لكل مالكى السيارات المنتشره فى مصر زى الكورى والصينى بس العربيات دى لا تقارن اطلاقا بالعربيات الاوربى كتكنولوجيا واعتماديه