العربية بتبطل
السلام عليكم دة اول مرة اشارك معاكم انا عربيتى ابيزا 98 1000 سى سى من فترة حوالى 5 شهور عملت شنبر للعربية وللاسف بعد الشنبر لقيت ان المكنة بتسخن والمروحة بتفض شغالة عالاطول ومبتفصلش المهم الميكانيكى قالى ان وش السلندر وحش فشترينا وش استيراد والمكنة مبقتش بتسخن بس هو قالى ان البلوكة مش اد كدة والمرة الجاية هنجيب ملتور استيراد المهم بعدها بفترة لاتتجاوز شهر بدات المشاكل تظهر
1-زيت على البوجية رقم 4
2-تقطيع وتنتيش وتبطيل
المهم موضوع الزيت قالى هنركب سن قصير
بالنسبة للتبطيل مش لقين حل قالى طرمبة ضعيفة وغيرتها العيب مازال مستمر قالى بعد كدة دية موبينة بس انا عاوز اعرف اية الحل قبل مغير حاجة وخلاص انا اللى مجننى دلوقتى هو عيب التبطيل دة لان العربية بتبطل وهى مشية على سرعة وممكن وانا واقف ولما اجى ادورها ساعات تدور وساعات تدور بعد فترة ونسيت اقولكم انى كشفت كمبيوتر مطلعش اى اخطاء
افيدونى افادكم اللة
|