من غير زعل .. سيارات المعاقين
بسم الله الرحمن الرحيم
أسف بجد على الكلام اللى هأقوله بس هى دى الحقيقة
التجار و الشركات الخاصة ببيع سيارات المعاقين فى بورسعيد بصراحة بقوا قمة فى الجشع و الإستغلال ناس مفيش عندها دم بصراحة لما أجى كمعاق و أروح أتفرج على العربيات فى بورسعيد و الأاقى معاملة معظم الشركات معاملة مش كويسة و و كما بيتأمروا على اللى بيشترى
بالرغم إن معظم العربيات اللى موجودة فى الجمرك معظمها عربيات فيها عيوب كتير اللى راشش برة و اللى ماتورة صوته مش طبيعى و اللى لاعب فى الفتيس و حول العربية من مانيوال إلى أتوماتيك و اللى فيها بارومة .... و .... و ..... ووووو
كل دا كوم و سعر العربيه كوم الأسعار غالية جدااااااااااااا مافيش أى فرق عن سعر العربية برا الجمرك طيب فين نسبة الإعفاء الجمركى المخصصه للمعاق بياكلوها بصراحة جمرك بورسعيد السرقة فيه عينى عينك
بس على فكرة الحق مش عليهم الحق على المعاق اللى بيبيع نفسة و يبيع الجواب بتاعة لأى حد و كمان الحق على الجهات الرقابية فى الدولة اللى مش عارفة تجيب لنا حقنا أو حتى تأخد الضرايب من التجار دول ... يا ريت حتى يلغوا النصباية اللى إسمها إعفاء جمركى للمعاق
المصيبة لما سألت على أكتر من نوع و الله لقيت فيى حاجات أغلى من السعر اللى برة الجمرك طيب و أنا أيه اللى يخلينى أشترى من الجمرك ما أشترى من برة و بلاش الأعفاء و حبسة العربية 5 سنين تحت مسمى أعفاء جمركى
و على فكرة يا ريت محدش يدافع عنهم و يقولى أصل الدولار غالى كلنا عارفين العربيات دى بتتكلف كام بالظبط شراء من برا و شحن و جمرك و أرضية و الله ما تجيب 1/2 السعر اللى بيطلبوه
التعديل الأخير تم بواسطة AbOnOrA ; 11-06-2014 الساعة 09:37 AM
|