[miam0502788391]

المشاركة الأصلية كتبت بواسطة zing0 لامؤاخذة فى اللى هأقوله, ده كفتجى و نصاب و أبن 60 ..... شوف حد غيرة و متوديلوش العربية تانى الزيت بينقص لازم تزوده و أوعى تمشى بالعربية من غير زيت ممكن تشوف تحت العربية فى المكان اللى بتركن فيه فية نقط زيت تحت الموتور, يعنى فيه تسريب من جوان الكرتيرة, أنا أعتقد انه يكون نشف من الركنه و بيعمل كده العادم الإسود معناه بنزين غير مكتمل الحرق (بنزين زياده) أكيد الباشا لعب لك فى حاجه علشان تقتنع إن العربية بايظه و المكنه عاوزة عمره, و ضبط البنزين أمره سهل إن شاء الله لو العربية محتاجه شنبر أو عمرة هتطلع دخان أبيض مائل للزرقه, مش اسود و تتأكد أكتر من وجود زيت على سن البوجيهات (على السن مش القلاووظ) بتاع البوجيه و طول ما أنت ماشى فى دخنه بيضاء نصيحتى زى مقولتلك: 1- تغير الميكانيكى بواحد فابريكا يكون بيفهم, و ترمى القديم فى صفيحة زباله و أنت الكسبان 2- تتابع تسريب الزيت من تحت العربية, أو ترفعها فى بنزينه أو محل تغيير زيوت و تشوف الجوان ناشف و بيسرب زيت و الطبه مقفوله حلو و لا لأ الكلام ده فى أسرع وقت و أوعى تمشى بالعربية من غير زيت, لازم تزودها زيت أول بأول أعانك الله

كلام مظبوط 100%
وأحب اضيف على كلام حضرتك
اى موتور خفيف فى أسوأ حالاته بينقص حوالى من 1/3 - 1/2 كيلو عند غيار 1000
اللى نقص ده اكتر من كيلو
اذن اكيد اكيد فى تسريب للزيت
ومش شرط يظهر من أول مرة فى مغسلة سيارات و ممكن يكون بيسرب من السيارة اثناء المشى
حرام عليه موتور لسه جديد وعاوز يعمره
اما ميكانيكى نصاب فعلا