تجربة السفر للعين السخنة
امبارح كانت اول مرة ليا اسافر بالعربية للعين السخنة وانا عربيتى 127 توب فحابب اشارك يمكن حد يستفيد اولا انا من الهرم وخدت الدائرى ونزلت النزلة اللى بعد كارفور واول يو ترن ترجع على بداية طريق القطامية العين السخنة وانا ليا شوية ملحوظات بالنسبة للطريق بصراحة الطريق رائع واسع تمام مفيهوش تقريبا مطباط تذكر نادرا فى مصر لما تلاقى طريق محترم كدة وفية بنزينة فى اول الطريق وبنزينة فى النص بس المهم بقى انك اول حاجة تكون متأكد من عربيتك تمام لان الطريق مفيهوش اى خدمات نهائى من الاول للاخر غير الكافيتريا اللى فى النص هى والبنزينة غير كدة صحراء تامة هى المسافة مش كبيرة 120 ك من القاهرة للعين السخنة بس اللى بيركن فى الطريق محدش بيعبرة كلة طاير لان السرعة 120 وانا بصراحة كنت ماشى 90/100 يعنى وساعات ادوس شوية بس طبعا اغلبية اللى مسافرين كلة طاير المهم الحمد لله وصلت العين السخنة وانا ريحت فى الطريق مرة وانا رايح ومرة وانا راجع كل مرة ربع ساعة وهناك فى العين السخنة اول متوصل تاخد الاتجاة الشمال اللى هو اتجاة السويس وهتمشى بردة حوالى 15ك تبداء الشواطى طبعا فى اول الشواطىء زحمة موت وكل الرحلات بتنزل هناك فبصراحة اناكملت لادام شوية وقالولى على شاطىئ اسمة الزهور تابع للقوات المسلحة بس هو غالى شوية الفرد ب100 جنية بس شاطىء محترم اوى ونضيف والناس فية مبتتاخرش عليك فى اى حاجة ططلبها وال100 جنية شاملة كل حاجة جوا من شماسى وكراسى وبدون حد اقصى يعنى كل اللى انت عاوزة هيجبهولك انا كنت انا والمدام وطفلين جابولى شمسيتين و6 كراسى علشان مطحوطش اى حاجة من حاجتكعلى الارض وطول النهار بينضفوا الشط على طول والامن طول النهار على الشط يعنى مفيش اى مجال للقلق والمية رائعة يعنى هو شط عائلى محترم جدا جدا المهم قضيت اليوم واتحركت من هناك الساعة 5 للرجوع ودخلت القاهرة تقريبا 7الاربع والحمد لله عدا اليوم على خير
بس هى اهم حاجة موضوع ان الطريق مفيهوش خدمات خالص يعنى خلى بالك من عربيتك تمام لان ناس كتير طول الطريق ركنة ومستنية الفرج....
|