[pro mada]

المشاركة الأصلية كتبت بواسطة salahabdelnabi يوم الاتنين الساعة تقريبا 9:15 بالليل و برو مادا او خلينا نقول اسمه الحقيقى م/ احمد راقد على السرير مريح شوية عشان وراه مشوار فجأة لقى الموبايل بيرن احمد بصوت واطى نعسان : الو......... مين الطرف التانى بصوت صارم حبتين : المهندس احمد الشهير بـ برو مادا احمد ولسه صوته نعسان : ايوة انا احمد .......... استاذ نبيل اللى معايا ؟؟ الطرف التانى والصوت بقى اشد صرامة : لا مش الاستاذ نبيل .......... معاك العقيد صلاح من مباحث امن الدولة فجأة وبلا مقدمات احمد فط من السرير وشعر راسه وقف وشفايفه ابيضت وريقه نشف وبصوت مبحوح : ايوة يافندم ......... خير فيه حاجة؟؟!!!! العقيد صلاح وصوته بقى اشد صرامة : لا مش خير .......... احنا عايزينك تشرفنا شوية ابو حميد ركبه سابت ومفاصله بقت بتخبط فى بعض ومش عارف ينطق كلمتين على بعض العقيد صلاح بصوت بارد : انت ماسمعتنيش والا ايه؟؟!!! احمد بارتباك : لا سمعت ياباشا ......... بس هو انا عملت ايه ؟؟؟!!!!! العقيد صلاح : مش انت عضو برضه فى منتدى اسمه مصر موتورز ؟؟؟ احمد وارتباكه زاد : ايوة ياباشا بس انا ماعملتش مشاكل مع حد العقيد صلاح : مش انت برضه اللى كاتب موضوع ما الاسباب من وجهة نظركم احمد ومش عارف يبلع ريقه : ايوة ياباشا بس انا مش قصدى حاجة العقيد صلاح : طب فيه واحد رد على موضوعك ........ واحنا كتا عايزينك تشرفنا شوية عشان نتناقش فى اللى اتكتب احمد وخلاص دمه هرب : اشرفكم فين ؟؟؟؟ فى امن الدولة ؟؟؟؟ وبعدين ياباشا انا لسه ماشوفتش الردود وماليش دعوة باللى هو كتبه العقيد صلاح : طب خلاص ماتخافش ........... انا صلاح عبد النبى اللى رديت عليك فى الموضوع صمت رهيب وصوت ضربات قلب ابو حميد بقت واصلة من بورسعيد لحد عندى والضحك مسكنى ومابقتش عارف ارد عليه من كتر منا متخيل شكله من الخضة والمفاجأة احمد : الاستاذ صلاح ؟؟؟!!!! .......... ياراجل دا انا دمى نشف حرام عليك والله ده انا مش عارف اتلم على بعضى طبعا القصة دى حصلت فعلا بينى وبين ابو حميد وكان اتصالى اصلا بيه عشان اسأله على حاجة فى الكومبيوتر لكن مش عارف ليه الفكرة دى جت فى دماغى وعملت المقلب ده معاه وبعد ما فاق وراق ودمه رجع تانى وريقه جرى وضربات قلبه هديت وعرف ياخد نفسه اتكلمنا حوالى ساعة الاربع فى حاجات كتير وعرض عليا مقابلة فى بورسعيد مع جميع الاعضاء اللى يقدرو يروحو لسه هايظبط ميعاده بالظبط مع وعد منه ان لو اتعملتمقابلة فى القاهرة هايكون اول واحد موجود فيها عشان يتعرف بكل الاعضاء واتفقنا فى الاخر نعملها قصة نحطها فى الاستراحة عشان يعرف ردود جميع الاعضاء على المقلب اللى حصل فيه والخضة اللى كان فيها وفى الاخر نسيت الموضوع اللى انا اصلا متصل بيه عشانه ptmnlo123per1106 ودى حكاية برومادا مع مكالمة مباحث امن الدولة

ههههههههههههههههههههههههه ه
انا قاعد لا بيا و لا عليا علي السرير بقري قصه رأفت الهجان اتلقيت التليفون بيرن قولت خير اتلاقيت رقم غريب و مميز قولت هيكون مين ؟؟؟؟؟
فقمت رديت ( ويا رتني ما رديت )
اتلاقيت واحد بيرد يجفاء و جديه ( اخ انا قولت ده ظابط و يظهر في حاجه حصلت مش علي البال و لا الخاطر ) و بيقول : المهندس احمد ؟؟؟؟
فقولتله : ايوه انا معاك يا استاذ نبيل ( اصل الرقم اللي كلمني شبه رقم الاستاذ نبيل عبد الرحمن عضو معانا هنا بس هو مختفي بقاله فتره )
فتلقيت الشخص ده بيرد بنفس الطريقه الجاده و الجافه و بييقول : لا انا مش الاستاذ نبيل انا القيد صلاح من امن الدوله ؟؟؟؟؟
يا نهاااااااااااار اسود امن الدوله ؟؟؟؟؟؟؟؟؟؟ لييييييييييييييييييييه ؟ انا عمري ما دخلت اقسام و لا بحب اتعرف علي حد ظابط و مليش دعوه بالسياسه و لا و لا و لا
و طبعا قلبي بقي في رجليا و صوتي راح و اصفريت و اخضريت وحالتي بقت بؤس ( كنت شبه اللي رايحين يتعدموا و قام شايفين شنب عشماوي )
فرديت و انا حاسس اني هقابل عزرائيل : هو حصل ايه ؟؟؟؟؟؟
فقام رد الشخص بطريقه عقيد فعلا و قال : مش حضرتك عضو في منتدي اسمه مصر موتورز ؟؟؟؟؟؟؟
قولت في عقل بالي اخ حتي امن الدوله بقي بيدخلوا علي منتديات و جايه الحكومه دلوقتي تتطور و تشوف مشاركتي في المنتدي و تقبض عليا كمان ( جايين يتطورا عليا انا ) ايه الحظ النحس ده ؟؟؟؟؟؟؟؟؟؟
فقومت رديت عليه و كنت ساعتها بتكلم من بطني عشان صوتي راح مشوار و شكله مكنش راجع و قولت : ايوه هي في مشكله ؟؟؟؟؟؟؟؟
فقام قالي بصوت جد اوي عن الاول : مش حضرتك اللي كاتب ما الاسباب من وجهه نظركم ... يا نهار اسود يا ريتني محطيت نمره تليفوني ( بس يعني هما كانوا هيغلبوا انهم يجيبوا نمره تليفوني ) ادي الفاس و قع في الراس
فقومت رديت عليه و تقريبا كان عزرائيل ناوي ينزلي و قولت : ايوه انا بس مكنتش اعرف ان هيحصل مشاكل
فتلاقيت الشخص ده دخل في نص الكلام و قال و نبره الجديه خفت شويه : انا هبسطلك الموضوع انا صلاح عبد النبي يا باشا ...
ده انت اللي باشا يا باشا و خليتني اصدق انك عقيد بجد و فصلت عليا القصه بالمازوره بس انا كنت بجد هروح فيها
و طبعا قعدنا نتكلم عن المنتدي و المواضيع و صلاح قالي علي شويه ملاحيظ ( حلوه ملاحيظ دي ) كانت تايهه مني بجد
و اتفقنا انا هاجي القاهره في المقابله الجايه ان شاء الله و طبعا دعيته للمقابله اللي هعملها في العيد ان شاء الله ( طبعا صلاح من الاعضاء اللي هبعتلهم دعوه خاصه للمقابله) و طبعا مسألنيش علي حاجه في الكمبيوتر
و اخيرا احب اقول ان روايته للقصه مختلفه شويه عن روايتي للقصه عشان
هو كان مشغول بالضحك عليا و انا كنت مشغول بالرعب و تخيل منظري و انا بتجلد في امن الدوله او حتي اني ممكن اشوف عشماوي
و احب اقول ان صلاح من احب الناس لقلبي من قبل المكالمه او حتي قبل ما اشوفه لانه انسان عنده ضمير و عقله دايما شغال ( مش زيي ) و طبعا شخصيه من النادر نتلاقاها دلوقتي لانه متدين و شخصيه محترمه جدا
و طبعا انا نفسي نعمل قسم للاشتغالات و نرشحه كمشرف للقسم ده ههههههههههههه ( طبعا انا بهزر )
بس طبعا اشتغالته كان فيها شويه اخطاء ( تلافي الاخطاء دي يا صلاح عشان المره الجايه لما تيجي تعمل نفسك fbi و جاي تفتش البيت هههههههههههه اصدقك ) والاخطاء هي :
1- من امتي امن الدوله بيخشوا علي النت
2- من امتي حد من امن الدوله بيتصل بيك ( يعني امن الدوله هيستأذن عشان يشوفك فاضي امتي عشان ميجيش يقبض عليك و انت مشغول )
3- امن الدوله كان هيعرف اسمي بالكامل و مكنش هيقولي ( المهندس احمد ؟؟؟؟؟ )
طبعا انا مش فقيه و عقلي و قف عن التفكير ساعتها
بس لما جيت احلل الاشتغاله اتلاقيت العيوب دي
و كل اشتغاله و انتوا طيبين
و يارب منروح ابو زعبل
و حكومتنا زي الفل ( علي رأي الزعيم عادل امام )