رد: برجاء الافاده ضروري : ازاي اعرف شكمان ال 128 مسدود ام لا
أولاً حضرتك بيتنصب عليك
الدسك و الأسطوانه اللى غيرتهم ممكن كان العبقرى اللى غيرهم لو أمين يكشف عليهم و بكل سهوله هيعرف إذا كانوا بايظين و لا لأ - ليهم اختبار يعنى و بيظهر أوى فى المطالع, بدل مكان غيرهم (و أكيد أخد القديم) و فى الآخر برضه محلش حاجه.
و حضرتك بتقول غيرت الكربراتير بواحد جديد (جديد مش استيراد/ مستعمل ) صح؟ أشك
المهم لو ده اللى حصل و متأكد ان الكربراتير مضبوط
يبقى الكهرباء عندك ممكن تكون مش مضبوطه (مأخرة)
رأيى تروح لمتخصصين أحسن و سيبك من الميكانيكى ده, بيشتغلك
معلش ممكن تتعب شوية بس علشان ترحم نفسك
متخصص شاكمانات و يكشف على الشاكمان (لو مكتوم بيكون صوته موضح أنه مسدود) و ساعتها هيسلكه, و لو مخروم هيلحمه, هيعمل اللازم يعنى
و ميكانيكى محترم (تسأل علية سواقين التاكسى) يضبطلك الكاتينه و الكهرباء و يكشف على حالة البوجيهات (بتبين المشكلة غالباً من ايه) و يضبط الكربراتير (لو مستعمل, انما لو جديد ميجيش جنبه)
اعانك الله
__________________
|