[gtr]

المشاركة الأصلية كتبت بواسطة salahabdelnabi حل المشكلة الاولى طالما حضرتك عرضت المشكلة على الورشةاكتر من مرة يبقى اكيد اختبر طلمبة المية والخراطيم والكيعان والوصلات وغطاء الرادياتير وطلعو سلام مافيهمش حاجة يبقى حضرتك تفك الرادياتير وتسد الداخل والخارج بتاعه وكمان فتحة تزويد المية وتحطه فى بانيو مليان على الاخر بالمية وتجيب منفاخ زاى بتاع الكاوتش وطبعا لازم تعمل الكلام ده عند واحد بتاع رادياتيرات يبقى افضل عشان المنفاخ او حد بتاع تصليح كاوتش دا لو ملقتش بتاع الرادياتير عنده المنفاخ وتفتح الهواء اكن حضرتك بالظبط بتنفخ كاوتش العربية لو فيه تسريب فى الرادياتير هاتلاقى فقاقيع الهواء خارجة من المكان اللى بتتسرب منه الميه تعالجها على طول باللحام سواء لحام قصدير او بالارانديد ولو لسه فيه تسريب يبقى تكشف على طلمبة المية وغطاء الرادياتير والوصلات والكيعان والخراطيم فى ورشة تانية يكون صاحبها عنده ضمير ولو محتاجين يتغيرو غيرهم وبالنسبة للاستفسار التانى المروحة هى غالبا بتركب بين صدر العربية والرادياتير عشان بتعمل تبريد من جهة والهواء الخارجى المندفع من شبكة العربية وهى ماشية بتعمل تبريد من الجهة التانية اما لو راكبة امام الرادياتير يبقى اتأكد انها لجهة الداخل مش للخارج يعنى شغالة مروحة مش شفاط واعتقد مش محتاج نروحة اضافية لو كانت العربية مش بتسخن ودرجة حرارتها معقولة اما لو بتسخن يبقى ممكن حضرتك تركب مروحة اكبر شوية لو المساحة تسمح امام الرادياتير او تركب مروحة خلفية صغيرة اضافية يارب اكون قدرت افيد حضرتك

أشكرك جزيل الشكر. أكيد إنك أفدتني.
لكن هل هذا الفحص و الرديتر راكب في ماكنه (علشان أن حابب أفحص كامل دورة المياه و مش الرديتر بس)
أم لا بد من فكه ؟

و تحملني على سؤال ثاني:
رأيت بعض السيارات فيها رديترين اثنين ورا بعض. فهل هذا من مصنعها ؟ و هل يمكن
إضافة رديتر ثاني على السيارة عندي؟

و آسف جدًا لإزعاجك يا طيب.ptmnlo123per1117