السلام عليكم
عندى سؤال مش لاقيه ليه جواب
عارفين الاحساس بتاع رجليك و هى على الدواسات و انت واقف على ارض مايله و العربيه بترجع منك لورا ؟
اهو هو ده نفس الاحساس حسيته و انا راكبه عربيه لانوس و الطريق واقف و انا جايبه الغيار الاول و دايسه دبرياج و فرامل فجاه حسيت الاحساس ده فى دواسه الفرامل !!!
روحت قايله اييييه ده العربيه بترجع لورا . اللى راكب جمبى قعد يضحك بترجع ايه بس انتى مفطرتيش و انا بقول كده دوست انتظارو شديت فرامل اليد و برضه مفيش فايده و قعدت اكرك بدواسه الفرامل لحد ما الاحساس ده راح و بصيت على اللى ورايا و بصيت على الارض قدامى لقيت العربيه ثابته و مفيش حد بيزعا و لا يشتم و لا حاجه
المهم انى مصدقه الاحساس ده لكن الحقيقه ان العربيه مرجعتش ؟!
روحت شغلى و انا راجعه كان معايا زميلتى و حصل نفس الموقف على طول سالتها حسه ان العربيه بترجع قالت لا . المره دى اتاكدت انه فى حاجه فى دواسه الفرامل بتحصل انا مش فاهماها ؟ و عوزه تفسير .
شكرا مقدما