[محمد اشرف]

المشاركة الأصلية كتبت بواسطة mr_astra فعلا التيجو كدة هاتكون غالية اوى النيو منها بـ 118 يعنى الفرق مش كبير بس غريبة ان رايك فى الجالينا كدة انا بشوف ان خامات الصالون معقولة جدا ومهما كان موديلها تلاقى فرش الابواب زى ما هو عكس الـ سبرانزا 620 معظم الموديلات تلاقى الفرش متبهدل ومنتش كمان الجالينا عفشتها مميزة اوى وعلى اد وزنها وحجمها الا انها رشيقة جدا وبتعرف تعمل مناورات انا بصراحة فى حيرة .....احساس قلما ما ينتابنى محتاج راى اخواتى جداااااااااااا

اصل انا ركبت الجالينا والa620 كتير لانها كانت بتعجبنى بشكلها يعنى مثلا كنت مره فى المصريه للسيارات بس من زمان من حوالى سنتين وكان فيه واحده داخل المعرض بس استعمال حوالى 1000 كيلو بسسس وفى واحد كان عايز يشتريها بس مرضوش ان هو يخليه يدخل داخل السياره وعمل معاهم خناقه ازاى يشترى عربيه من غير مايركبها وبعد ماشفت من الزجاج بتاع العربيه مش عايزين يدخلوه ليه شفت داخل العربيه الاتى (التابلوه اجزاء فيه متخربشه وده يدل ان خامات التابلوه رديئه جدا ومش هتعمر مع الوقت - الغطاء بتاع عصاية الفتيس واقع على ارضيه السياره وده يدل على ان تقفيلها مش حلو - الدركسيون لو شفته كان عربيه ماشيه من 100000 كيلو - الفرش بتاع العربيه جلد رديئ جداا وحتت كتير فيه لونها اسود مع ان لونه بيج بس دى مقدور عليها لانك ممكن تجيب فرش جديد فا مش مشكله دى - الطفايه مكسوره ) وتشوف العربيه من الخارج ما شاء الله مفهاش خربوش وشياكه وتقول عليها افخم من الباسات سعتها ده كده الى انا شفته من غير ماركب العربيه كمان وانا شفت للبيع ناس كتير بتقول ان فيها مشاكل فى الكهرباء وببص على صور السياره كلها حجات ملخلعه جوها وحجات مكسور وممكن كللل ده ميكنش مهم بس المهم ان العربيه دى ورق يعنى لا قدر الله اى حادثه قويه خبطت فيها تكون علبه سردين وكل ده لما انا شفت اختبارات الامان بتعتها وبعد مامنوعها ان العربيه ده تتباع بالخارج لانهم بالخارج بيخافوا على الشعب بتعهم اما فى مصر فارمى اى عربيه وبيعها عشان الشركات تكسب ومش مشكله حياة الانسان الى راكب بداخل العربيه دى بس برضه شهاده حق البرليانس بعد ماصبحت حاليا تبع البافاريا اصبحت سياره خرافه والدليل على كده الv5 الى فعلا دى لو تقدر تجيبها مش هتندم لان حتى الان لا يوجد احد اشتكى منها بخلاف الجالينا وانا ركبتها كتير وبتكبر فى نظرى كل مره وصاجها تقيل جدا وهيبان اكتر لو فتحت الكابوت يعنى ما شاء الله فعلا وهى حاليا اصبحت غاليه ودى المشكله