[silverlite]

بتوووع الصااوره !!

عزيزي الكولجي ونحنوح يناير التعيس ، ياريت ماتعملشي نفسك مش واخد بالك أو تعمل نفسك من بنها أو تقعد تبص للسقف كأنك بتصطاد العنكبوت بعنيك ، المحكمة النهاردة أكدت الحكم بمنع قيادات الحزب الوطني من الترشح للبرلمان والمحليات !!
وانت عامل إيه دلوقتي ؟ مش هتخبطنا خطبه عصماء عن عودة مبارك والفلول والديناصورات ؟!.
...و بعدين حضرتك شايف إن القضاء مسيس وإن السيسي بيصحى كل يوم الصبح يدي تعليماته للقضاه يعدموا فلان ويطلعوا علّان براءة ويحطوا السيخ المحمي في ودن ترتان ، يبقى أكيد السيسي صحي النهارده الصبح وقال للقاضي ماتسمحش لولاد الصرمه بتوع الحزب الوطني من ممارسة الحياه السياسيه ...الله ؟ ده كده يبقى راجل كويس أهو ولا ايه ؟
إنت صعبان عليا والله وانت مبلول كده ... عامل شبه الفالنه اللي طارت من عالحبل ووقعت في الترعة ، خلاص إطلع بقى ، إطلع ياض يا عيد يا مثقف ، مش هجيب سيرتك تاني ، قلبي الضعيف لا يحتمل .
cop