[zing0]

الكريستاله أفضل إختيار من وجههة نظرى
بعيداً عن الأوبل (قطع غيارها نار يا حبيبى نار و نادرة إلى حد ما )
و اللنوس و النوبيرا ممتازين بس صعب تلاقى حاله كويسه معروضه, 99 % من المعروض بيكون فى مشاكل فى الأساسيات, لأنها عربيات محدش يفرط فيها بسهوله إلا لما تكون جابت آخرها.
الكريستاله برضه صعب تلاقى فيها حاله كويسه لانها عربية العمر
قطع غيارها أغلى شوية من اللانوس و النوبيرا (علشان يابانى مش كورى)
اعتمادية جداً, و مش هتشتكى منها فى أى حاجه إن شاء الله غير حاجه واحده.... واطية شوية (ممكن يركبلها علايات بس هتأثر على الثبات شوية)
و على رأى أحد أصحاب اللانسر.... عربية توديك للميكانيكى بمزاجك مش غصب عنك.
ربنا يوفقك للأصلح