[Dr.A]

المشاركة الأصلية كتبت بواسطة Logic بيتهيألي السيد جمال مبارك هو انسب واحد .... و هاتوا حد غيره عنده خبرة سياسية و سنه يكون صغير... المهم ان احنا اللي نتغير....مصر محتاجة ناس تحبها بجد و تبطل الفساد و المحسوبية..

شوف يا اخي كلمتين شهادة امام الله

جمال مبارك مش وحش هو بس موجود في ظروف كلها غلط في غلط

النظام في السنوات الماضية كان حريص على عدم خلق اي بديل مناسب لرئاسة الدولة
وعدم السماح باي نسمة هوا تهب على مصر
جمال مبارك هو رئيس الوزراء الفعلي من سنوات بس من غير المنصب لان كل فشل وكل مصيبة سوف تكون مرتبطة باسمة وهذا سوف يضعف من اسهمه امام الشعب
و اي تعديل وزاري معروف مين تبع امانة السياسات ومين تبع الريس

انت فاكر بالونات الاختبار اللى عمالة تطلع كل يومين دي تهريج
لا يا باشا دي مدروسة
البرادعي وعمرو موسي و زويل وعمر سليمان والله اعلم مين تاني

كل دة بيوصل رسالة واحدة

البديل الافضل هو جمال مبارك

صدقني لو جمال مبارك نزل بين الناس بجد من غير حراسة انا اكون اول المصوتين له
ولو بعد عن رجال الاعمال والمنتفعين من السلطة انا اكون اول المصوتين له
ولو عدل الدستور بجد لتكون مدة الرئاسة فترتان بدون مد انا اكون اول المصوتين له
ولو وضع اسس الحرية و المساواه والعدل انا اكون اول المصوتين له
ولو حول مصر الى ديمقراطية حقيقية بدون تسط الامن على كل نفس داخل وطالع انا اكون اول المصوتين له
ولو سمح بقيام الاحزاب بدون شروط انا اكون اول المصوتين له

انا نفسي حد في مصر يملك الشجاعة و يعلن صراحة اللى الناس كلها شايفاه وعارفاه
ان جمال مبارك هو الرئيس القادم

بس ما تنساش تسلملي على احمد عز و اخواته الصغننين