السلام عليكم ورحمة الله
ازيكم يا جماعة
انا عايزه اشتري عربيه طبعا بتقولو دلوقت اهلا وسهلا بلوه جديدة
يله معلش ربنا يصبركم
انا ياجماعة محتارة حيره كبييييير في نوع العربيه اللي هجيبها
بس الحمدالله في حاجة انا مش محتاره فيها وهي شكل العربيه لاني عايزه عربيه هاتشباك صغيره ودا كلام لا راجعة فيه لاني بحب شكلهم اكتر من السيدان السيدان حتي لو بي ام بردو مش بحبهم
المهم السعر اللي انا حطاه ١٠٠ الف مش هيزيدو لاني كدا طلعت بالسعر اووي
والاول كنت ثابته علي اني عايزه العربيه اوتوماتيك بس دلوقت بعد ماتعلمت السواقه صح علي ايد مدرب شاطر ربنا يكرمو تنازلت عن شرط الاوتوماتيك دا (ودي بردو عايزه اخد رائيكم فيها اخليني اوتوماتك ولا مانيوال مش وحش انا لما سوقت بيه فترة اكتر ماحستش انو صعب وخنقة اوي بس تفتكرو لو سوقت بيهم اكتر بكتير بقي سنين يعني هل هيبقي خنقة وهرجع اندم ؟؟)
العربيات اللي محتاره بينهم هما وياريت بالله عليكم بلاش تعصب لعربيه معينه وانا مش فارق معايا سعر البيع اوي علشان العربيه هتفضل معايا فترة يعني
كيا بيكنتو(لو هجيبها هتكون فول اوبشن وسعرها هيكون ٩٦ الف -سوزوكي سويفت سعرها ٩٤ الف -فولكس فاجن كروس ٨٨٠٠٠ الف (ود ماعرفش عنها حاجات اوي لسه سامعه عنها النهاردة وحتي شكلها مش متاكدة منو هو ايه بالظبط لكن اسم فولكس فاجن اصلا مزغلل عيني لانو اسم من دهب) -هيونداي i10 سعرها ٩٥الف -رينو سانديرو٩٦ الف-في موديل سيتروين مش فاكره في حدود ١٠٠تقريبا انا بعشق شكل العربيه السيتروين بكل موديلتها دي فهل ممكن اضحي واجيبها مستعمله وله بلاش
كل دا زيروووو ٢٠١٤ طبعا
هل في اوبل مايزدش عن ١٠٠ ؟
عايزه اشتري عربيه شكلها حلو بس في نفس الوقت يكون اسمها مشهور بتنافس الاسماء الكبيره حتي ولو الفئة اللي انا هشتريها سعرها قليل ياريت اكون فهمتكم قصدي في دي وعايزها حلوه اووي ومش سعر كبير ولو في حاجات تانيه ممكن تقولوهالي بس العربيه تكون صغيره وهي مش عائلية يعني مش هتفرق معايا في الحته دي لانها ليه انا يعني مش مشكله الحجم
اخيرااا بابا بيتخانق معايا بقالو شهور ومش راضي يجبلي العربيه واخرها كل دا علشان هو عايز يجبلي نيسان صني وانا زي ماقولت مش بحب العربيات السيدان الطويله دي وكل يوم بيحاول يقنعني بيها بس انا بجد مش بحب شكلهم خالص والله بجد مهما كانت العربيه مش بحبهم بيبقو طوووال كدا ويخدو مساحة بصو مش بحبهم وبطلع فيهم القطط الفطسانه فهل ممكن اسمع كلامو واعصر علي نفسي شوال ليمون وله لا مش حلو وللاسف هو بيساومني وبيقولو مهما كان سعر نيسان صني حتي لو زاد عن ال١٠٠ هدفع لكن اي حاجة تانيه حاولي تنزلي عن ال١٠٠ يامش هدفع حاجة ابتزاز يعني
معلش صدعتكم سلالالام