[AbOnOrA]

ازاى تعرف الجامعات المضروبة والشركات اللى بتنصب على الناس فى فلوسها واحلامها ومستقبلها ، حاجات كتير ممكن تعرف بيها اذا كانت ديه جامعة حقيقية وبتدى شهادات معتمدة ولا لاء

1- هتلاقى موقع الجامعة بينتهى باى حاجة غير .edu لان ده نطاق لا يتم حجزة الا للمؤسسات التعليمية الرسمية فى امريكا

2- تبحث عن اسم الجامعة او المعهد فى قاعدة بيانات "المجلس الاعلى للجامعات والتعليم العالى الامريكى "
Database of Institutions and Programs Accredited By Recognized U.S. Accrediting Organizations.
http://www.chea.org

حتى الجامعات اللى بره امريكا لكن شهادتها معتمدة من امريكا هتلاقيها فى قاعدة البيانات ديه

خد بالك كمان ممكن الجامعة الواحدة يبقى ليها برامج او شهادات معتمدة وشهادات لاء او بدرجات اعتماد مختلفة بس المهم تكون موجودة اصلاً

وخد بالك ان النصابين بيحاولو يستخدمو اسماء مشابهه جداً لاسماء جامعات موجودة بالفعل فلازم تقارن بين اسماء الجامعات بالحرف وتطابق العناوين طبعاً فمثلاً الجامعة ديه (المزيفة) بياناتها المفروض

الموقع

http://www.dus.edu.gl

Delaware University of Sciences • Wilmington, DE 19805 • USA
Phone: (302) 468-5466 • Fax: (302) 468-5467
All Rights Reserved © 2013 - 2014
FEIN No. 43-2119581

الجامعة الاصلية بياناتها
http://www.desu.edu

Delaware State University
1200 N. DuPont Highway
Dover, DE 19901
Daytime: 302.857.6060
Evening: 302.857.6290

طبعاً فيه طرق كتير وفيه تفاصيل اكتر لكن حبيت ابسط الفكرة للناس
وطبعاً نظام التعليم الامريكى يختلف عن الانجليزى وتقريباً كل دولة ليها نظامها واعتمادتها
وطبعاً كل ده غير الاعتماد هنا فى مصر
وطبعاً كل ده غير ان اى مدرسة ثانوى حتى علشان تديك شهادة لازم تاخد منك متطلبات وايليتس وشغلانة لكن دول تدفع فلوس تاخد شهادة وبس