السلام عليكم
موضوع بسيط و انا شفته اتعمل كتير على اليوتيوب ... ففكرت اعمله علشان احتجت له قبل كدة ....
يستخدم المكبس فى حاجات كتير ... زى .. كبس رولمان البلى ... كبس جلب المقصات
و دى بعض الصور لخطوات العمل
جبت زاوية على حرف سى طولها 1 متر .. و قسمتها جزئين
عمل خرمين على ابعاد متساوية فى كل جزئ بقطر 25مم تقريبا
تم شراء عمود قلاوظ 24 مم و عدد 8 صواميل 24 و 16 وردة
تم ربط صامولة تحت الزاوية و صامولة اخرى فوقها لظبط المسافات
الشكل النهائى
و بنستخدم كوريك هيدروليكى مناسب ... انا عندى كوريك 20 طن استخدمته
و دى عينة التجربة .... الشداد الخلفى لعربية شاهين ... كان اتكسر من فترة و غيرناه و كنت محتفظ بالشداد المكسور
و دى نتيجة تجربة المكبس
ملاحظات :-
- القطاع الحديدى ... سمك 5 مم و عرض 120 مم ... جبته ب 100 جنيه ... كان فائض عند الحداد
- عمود القلاوظ ... من عند اى حد بيبيع مسامير ... و فيه اقطار اصغر و اكبر ... انا اشتريت 24مم قطر لأنه اقرب حاجة ل 1 بوصة .. و اشتريت معاه صواميل نفس المقاس و ورد للصواميل
عمود القلاوظ بيتباع 2 متر ب 120 جنيه .. و انا قطعته قطعتين
- الكوريك .. كان عندى كوريك 20 طن صينى ... و كنت شاريه ب 250 جنيه تقريبا
- الحسابات المبدئية العامة للمكبس تقريبا ... بتقول المكبس ممكن يستحمل شد 36 طن
- فى المستقبل حعدل شوية فيه ان شاء الله و اركب سوستتين لشد عمود الكوريك لوضعه الطبيعى مرة اخرى