رد: يسقط حكم العسكر
المقال قريته مرتين علشان الاقى فيه حجة او مبرر او سبب للدفاع عن حكم العسكر غير اسطوانة المؤامرة الشروخة من كتر التكرار ومش لاقى
طيب يا سيدى ماشى فيه مؤامرة والشباب مضحوك عليهم فى موضوع حكم العسكر جيب رئيس مدنى وفوت عليهم المؤامرة والفتنة وخليك ناصح ؟
ولا هو عند يعنى ولا ايه ؟
ولا هو كل المدنيين فى البلد ديه خونه وعملاء ومينفعش يجى منهم رئيس ؟
بجد مش لاقى مبرر غير ولا هيبقى فيه
واطرف حاجة فى المقال بقى هى الجزء بتاع ان عظماء العالم كان ليهم خلفيه عسكرية ده
ماشى يا سيدى عارف دول وازودلك عليهم تحتمس ورمسيس كمان ماشى يا سيدى كانو عساكر وفراعنة والهه كمان
بس كانت خريطة مصر قدها دلوقتى اربع خمس مرات
محمد على اثار نهضته مازالت شاهدة على التاريخ لحد دلوقتى وبرضو عسكرياً حدود مصر كانت فى توسع
ممكن تجيب خريطة مصر قبل حكم العسكر وخريطتها دلوقتى ونقارن خسرنا قد ايه من مساحة مصر الجغرافيه غير مساحتها السياسية والاقليمية ؟
والخسارة ديه يتحملها مين العسكر ولا السياسين ؟
وسيبك من مصر وبالامثلة برضو شوف الحكم ابو خلفيه عسكرية فى ليبيا القذافى كان شكله ايه وشوف فى سوريا وصل لايه والدول الافريقية التانية كانو زى محمد على وديجول وتشرشل برضو ؟
بتقارن بامريكا وليك عين تقول 30 واربعين رئيس وفى نفس الفترة تقريباً مسك 3 - 4 رؤساء كلهم عسكر وطول مدد حكمهم عايشين تحت احكام عسكرية للمدنيين وقوانين طوارىء والدولة البوليسية ؟
انت بتقول ان المؤامرة فى انك بس تركز على حكم العسكر ويبقى غاية وانا بقولك انت اللى مخليه غاية اهوه مبتدافعش غير عنه ومعندكش مشكلة فى اى حاجة غيرة وبتعتبر اى مطالبه بالحرية والعدالة الاجتماعية والتغيير والاصلاح حرب ومؤامرة على الدولة العسكرية تبقى ديه مشكلتك انت بقى
__________________
اخر موضوعاتى
قريباً تقرير وتجربة اداء دايهاتسو تريوس * تويوتا راش
|