رد: شبكة لسقف ال128
معرفش بصراحة سعر شبكة الماتريكس كام بس إللى أعرفه أنها ألومنيوم و مش هتركب عالـ 128 بسهولة لأنها بالطول في حين إن العربية مفيهاش أى شفه عرضية تركب فيها.
فى فى عابدين عندنا فى القاهرة محلات متخصصة فى شبكه السقف و بالتركيب و جديد و مستعمل و جميع المقاسات بس شكلها ميكروباص وششششششش
و فى شبك إستانلس بيتركب على سقف التاكسى الأبيض بنفس البومبية بتاع السقف , شكله حلو بس مش هيمشى مع ال128 أوى لأنه جمالة فى البومبيه بتاعه و الـ 128 مفيهاش شكل السقف ده.
و جهة نظرى مفيش أحسن من العيدان اللى بتركب على مزراب المياه أدام مش بتنقل حاجات ثقيله, بس المهم يتثبتوا كويس و شكلهم مش وحش
فى منهم من 30-70 جنية حسب الخامه و جودة التقفيل (دى أسعار التوفيقية ممكن يزيد شويه)
أرخص نوع (صينى) ممكن تحمل عليه برميل و سجاجيد عادى خالص بس المهم زى مقولت يتثبتوا صح و تشد الحاجه عليهم صح (فى طريقة للشد بتوع النقل بيعملوها بتخلى الحاجه لازقه فى العربية)
__________________
|