رد: مشكلة قى سيارة 131
معروف إن ترموستات الكوعه وظيفته يقفل دورة المياه داخل المكنه فى بداية الدواره علشان المكنه تسخن بسرعه و تأخد حرارة التشغيل الطبيعية و بعد كده يفتح لأستبدال المياه الساخنه فى المكنه بمياه بارده من الريداتير و قربة المياه.
لحد كده زى الفل, بس الخوف كل الخوف أنه يعلق و ميفتحش و دى بتحصل بكل سهوله لو المياه مليانه أملاح و شوائب و صدأ و رواسب و ....
طبعاً ربنا يعافينا كلنا ... جوان وش سلندر
علشان كده و فى معظم العربيات القديمة بنلغى ترموستات الكوعه بحيث تفضل دورة المياه كلها مفتوحه عالبحرى على طول.
و ده زى مهو بيفيد فى حل مشكلة التعليق بتاع الترموستات, إلا انه بيضر ضرر أقل فى:
1- العربية بتحتاج فترة تسخين أطول صباحاً
2- استهلاك بنزين أعلى
= رأيى, سيبها مفتوحه بدون ترموستات الكوعه, و طول فترة التسخين شويه, و أول متبدأ تمشى بالعربيه حاول متجريش, ساسيها فى الأول و إعتبرها (لسه صاحية من النوم)
__________________
|