[SemSemsXs]

صباح الخير ..
مستر استرا حضرتك من الناس المحترمين اللي انا بعتز بمعرفتهم وبفتخر اني استفدت كتير من مواضيعك وبعتبرك اخ عزيز وده من فترة كبيرة وتقدر تقول عليه حب من طرف واحد ... انا معاك في الكلام اللي حضرتك قولته انما صوابعك مش زي بعضها ولولا اختلاف الاذواق لبارت السلع !!
عارف حضرتك انا لو جيبت ورقة وقولتلك اكتب فيها عيوب عربيتي ممكن املاها وزيادة كمان .. انما فيه ناس كتير وانا منهم ربنا مبارك لنا في حاجتنا والحمد لله حمدا كثيرا لانه عارف ظروفنا وامكانياتنا واننا ممشيين نفسنا ببركته وراضييين بكل اللي ينعم علينا بيه وبرضه بتبقى مسألة حظوظ بمعنى انا صديقي المقرب معاه c180 واخوك الغلبان انت عارف !! تخيل كميه الخبطات والاصلاحات والصيانه والحوادث اللي كل يوم والتاني بيتكلفها لحد ما كره المرسيدس تما وللعلم هو طول حياته مرسيدساوي قديم ودي رابع عربيه يشتريها وفي المقابل الحمد لله ربنا كارمني بعربيه مريحه بالي الى حد ما وادينا عايشين .. فالعبرة هنا مش بسعر ولا منظر الحاجة انما ببركه ربنا فيها ومحافظة الانسان عليها .
ومعلش انا طولت على حضرتك انما فعلا انا اخدت على خاطري من طررريقة الكلام وخصوصا الاخ العضو اللي سبق حضرتك في الرد واحب اقولة حاجه بسيطه : عربيتنا القديمة المهكعه دي جاية بطلوع الروح والعرق والجهد مش جيالي هدية النجاح مثلا !
الارزاق والمنح من عند الله وحده سبحانه وتعالى فكونك انك تتريق على نعمه ربنا يبقى دي حاجه مش في ادينا بقى ربنا وحده هو اللي هيحاسبك ويعرفك قيمتها وربنا يديم عليك نعمته ومتزولش من وشك !! تحياتي للجميع