[حازم شاهين]

إسمحلى أكون أول واحد يعلق
كنت طلبت من برومادا إننا نتقابل مهو ماينفعش نبقى من بلد واحدة و مقضينها إفتراضى بس ، و بصراحة الراجل ما كدبش خبر و وافق على طول و إختارنا يوم الجمعة علشان نبقى فاضيين إحنا الإتنين، المفاجأة فعلا إننا طلعنا جيران .
أهم ما فى المقابلة إنى إتعرفت من قرب عن برومادا و هو شاب محترم و مثقف و مجتهد و شعلة من النشاط و الحماس ، و عنده أفكار و طموح و نفسه يعمل حاجات كتير .
موضوع العربيات الصينى أخد مننا وقت طويل فى الكلام طبعا أنا مشرف الصينى و برومادا مفيش بينه و بين الصينى عمار (فلكم أن تتخيلوا ..... لكن المناقشة كانت بروح الود و إحترام الأخر)
و رغم إن مقابلة بين إتنين من الأعضاء ممكن تكون مملة شوية لكن ده محصلش معانا خالص ، إتقابلنا الساعة 8 و تلت تقريبا و روحنا الساعة 12 و تلت يعنى أربع ساعات بالظبط س حقيقى مرو بسرعة جدا من كم الموضوعات و القصص إللى قولناها .

يا رب نتقابل دايما على خير و المرة الجاية يكون معانا أعضاء أكتر بكتير و نقضى وقت أطول