رد: طرح لادا 2107 موديل 2011 ...... ومـفـاجـأه من العيار الثقيل
أنا هأتكلم عن اللادا التقليدية بوجه عام
يعنى طرازات 2101 2102 2103 2104 2105 2106 2107 و النيفا
----------------------
أكثر سيارة ناجحه فى مصر مع أقاربها من عائلة الفيات (127-132-128-131-...)
بدليل كم المبيعات الهائل لها على مر السنوات رغم توافر سيارات منافسه بكماليات و رفاهيات كبيرة.
بجد كل ما أحاول أفهم ميكانيكا العربية دى و ملائمتها للجو الروسى الثلجى , أشهد لعبقرية الهندسة و العقلية الروسية.
كان نفسى أفهم منهم شوية حاجات الهدف منها إيه علشان نعرف نعالجها صح:
1- صوت المكنه العالى, هو الجماعه الروس عندهم صمم علشان كده مش مهتمين بالصوت العالى جداً ده.
2- العفشة الدوبل إللى على 4 بيضات (فوق و تحت فى كل جنب) غير بيض الدركسيون.... إيه البيض ده كله!!!
3- الدركسيون بتاع العربيه ليه بصو على الجرار الزراعى و قلدوه, مالوا نظام الإسكترا يعنى, و لا هما كانوا عاوزين الشعب كله يكون رياضى بالعافيه؟
4- موضوع السخونه طبعاً عندهم حق فيه محدش يقدر يتكلم
---------------------------------
كده معظم المشاكل ترتكز فى نظام العفشة, و المشكله إن زعل العفشة بيبقى وحش أوى (ربنا يكفينا و إياكم شر زعلها)
لو الواحد فكر يغير النظام كله, يعنى يركب عفشة أى عربية ناعمة زى اليابانى و أسكاترا و غيرة .... مجرد تفكير, هل ده ينفع و لا لأ؟
و بالنسبة للصوت .... لا يوجد حل آخر
-----------------------------------
دى أكتر مشاكل للادا, حاسس إن المشاكل دى لو إتحلت تماماً تبقى العربية رقم 1, و أى كماليات بتركب دلوقتى عادى.
__________________
|