[salahabdelnabi]

طبعا نظرية السفر عبر الزمن سواء كانت للماضى أو المستقبل مجرد نظرية بتفترض افتراضات حاليا غير متوفرة وايضا صعب ان لم يكن مستحيل توفرها
لانه ببساطة شديدة جدا لا توجد وسيلة ما تستطيع ان تصل سرعتها الى سرعة الضوء مش تتخطاها
ولو فرضا ووجدت الوسيلة دى اعتقد ان بوصولها الى سرعة الضوء ستتحول الى طاقة وليس مادة وتفقد تركيبها المادى الملموس
لكن التقدم العلمى كل يوم فى تطور واساس التكتولوجيا دلوقتى كانت نظريات ومعادلات مكتوبة على الورق وكانت فى نظر البعض فى وقتها مجرد خرافات واساطير
مش بعيد ان يجى يوم وده يتحقق فعلا
لكن السؤال هنا بقى ولازم نشغل فيه مخنا شوية
لو ده حصل فعلا وجه الوقت اللى النظرية دى بقت حقيقة وواحد قدر يسافر للمستقبل او حتى الماضى ومات هناك
مصيره هايكون ايه فى الزمن الحاضر اللى كان عايش فيه
أو لو حد رجع للماضى وغير مجرى حدث معين أو حرب معينة ايه اللى هايترتب عليه فى الحاضر والمستقبل
أو لحد قدر يسافر المستقبل وعرف مصيره وبعدين رجع وحب يغير المصير اللى شافه فى المستقبل يترى ايه اللى ممكن يحصل
خلاصة الكلام ان النظريات ممكن تتحقق لكن الله عليم بعباده ونفوسهم
نظريا السفرعبر الزمن ينفع لكن فعليا من رحمة ربنا علينا انه مايتحققش والا دورة الزمن كلها هاتختل ونلف فى دايرة مغلقة مالهاش اول من اخر
واللى عايز يفهم قصدى كويس يشوف فيلم احمد حلمى الاخير ( 1000 مبروك )