[ALAAELDEEN MOHAMED]

السلام عليكم .. بشكر القائمين على المنتدى والمشاركين فيه ، لأنى فعلاً استفدت كتير منه ، ربنا يجعله فى ميزان حسناتكم
معايا كرستالة 99 ، فى صوت فى السبيكة (الكرنك) لما أزود بنزين أوى ويعدى الـ Rpm عن 3
وزاد جداً بعد ما اتهورت وسافرت بيها الاقصر مع العائلة
700كم رايح و700 كم جى فى أقل من أسبوع ..
مع العلم أنها طول الطريق ماشاء الله تمام ، وكنت ماشى بمعدل 160 كم/س ، أى نعم وانا رايح بعد ما وصلت سخنت جداً وجابت جوان وش سلندر ، ودا بسبب أن غطاء الردياتير كان بايظ

سألت الميكانيكى وقال عايزة عمرة وقال التكلفة فى حدود 3000 جنيه ، فدلوقتى أيهما أفضل : عمرة للموتور 1300cc ولا موتور جديد استيراد وهيبقى فى حدود 4000 جنيه تقريباً 1600cc أو 1500cc ونصحنى بـ 1500 قالى عشان قطع غياره متوفرة ..
أيهما أفضل من ناحية بيع العربية بعد كده ، هل دا هيعيبها ولالأ ؟؟
وكمان بالنسبة للعربية نفسها هل تغيير الموتور دى حاجة مش كويسة ولا أيه ؟؟
وياترى السعر مناسب ولا Over
وشكرررررررا جزيلاً