سائل اللحام... نصائح من الخبراء
السلام عليكم
من يومين بالضبط لاقيت الكاوتش نايم, نفخته و طلعت على الراجل بتاع الكاوتش
كشف عليه و غير بلف و بعدين لاقيته بيقولى (الفرده منمله)!!!
يعنى أيه؟ قالى فيها شقوق صغيرة بتنفس هوا...؟؟؟
قالى طبعاً إنت مش عاوز كاوتش داخلى (شنبر داخلى يعنى)
قولتلوا فيه حل تانى؟
قالى سائل بيلحم الكاوتش و كل الشقوق إللى فيه و على ضمانتى
طبعاً كنت سمعت عنه و قولت أجرب
فعلاً حل المشكله و زى الفل و لكن....
بالصدفه لاقيت موقع آخر عامل موضوع عن تجربة مع السائل بتاع اللحام ده
أعوذ بالله... الجنط نفسه مسك فيه بارومه و الكاوتش مليان سبانخ !!!
لو الموضوع كده
يبقى أنزل الإستبن و أركب شنبر للفرده دى و أخليها إستبن لحد ما ربنا يفرجها و أجيب كاوتش
حد يأكد لى الموضوع ده من عدمه
هل فعلاً السائل ده ممكن يسبب صدأ الجنط (يعنى فيه مياه مثلاً)؟
__________________
|