السلام عليكم يا أعضاء جروب سكودا , بصراحة دي أول مشاركة ليا ف أي منتدى على الاطلاق و ده بعد ما اشتريت امبارح أوكتافيا 2007 اليجانز.
العربية الحمد لله ممتازة و كشفت ف التوكيل و كله تمام , مش عايز أطول عليكم , قلت أروح أغسلها غسلة حلوة زي الناس المتحضرة و خصوصا انها أول مرة أشتري عربيه بالمستوى ده , و يادوبك خلص الغسيل من هنا و ما كانتش عايزه تدور

طولت في الدوارة بس دارت بعد المرة الثالثة..... و روحت.
النهاردة برضة طولت ف الدوارة ( الصبح بس) و بطلت و أنا على ال N ف الطريق مرتين
![Fun 36 1 7[1]](images/smilies/fun_36_1_7[1].gif)
و انا راجع بعد المشوار دارت على طول و ما بطلتش بس ال rpm كان بيرعش فوق و تحت (رعشة صغيرة) لما بأجيب ال N
ممكن الافادة لأخوكم المستجد ف هذا العالم من السيارات و شكرا مقدما و أسف للاطالة.