المشاركة الأصلية كتبت بواسطة saad2570
اولا الف شكر علي الرد و المشاركه في الموضوع
و الله انتو ناس محترمين و خدومين
ربنا يبارك ليكو
ثانيا انا عندي قناعه ان الموتور اي موتور لو اتفتح عمره ما بيرجع زي الاول ابدا
حتي و لو كان المكانيكي ده دكتور في مهنته لازم صوت الموتور يعلي او يبرجل
او او او الكلام ده عن تجربه شخصيه .. بس انا مش فاهم ليه ؟
|
اسمحلى اختلف مع حضرتك .....
انا عملت عمرة ( عند الميكانيكى ) لعربية 132 ... و بعدها لعربية شاهين .... و العمرتين كانوا كويسين جدا
الموتور اصبح زى الاول بنسبة 98 %
مشكلة المواتير الاستيراد انها زى البطيخة .... ممكن تطلع كويسة .... و ممكن تطلع مش كويسة ... فالافضل .... ان حضرتك تعمل عمرة للموتور بتاعك .... علشان انت عارف تاريخ الموتور بتاعك
الا اذا .... موتور حضرتك فيه عيب مزمن ..... عيب فى البلوك مثلا .. بحيث مينفعش فيه تصليح
او ان حضرتك عاوز تسقط موتور اكبر ....
او موتور احدث ... او مش لاقى قطع غيار لموتورك
كدة حضرتك لازم تشترى موتور استيراد و امرك لله
ان شاء الله الاخوة الاكثر خبرة حيفيدونا اكتر فى مواضيع المواتير الى تنفع تتسقط عند حضرتك
ربنا يوفقك