[ميدو عمر ايمن]

وانا قاعد في امان الله جاتلي رساله علي الموبايل كان نصها كالاتي :
" لقد تم تحويل 5.0 جنيه رصيد لك من ............( اسم شركة محمول) "

المرسل ××××××××01
لاكن من حظة الزفت ان الخط ده معايا استقبال بس ولا يوجد به اي رصيد لاني مشغل خط تاني وعامل اشتراك شهري وبستخدمه علطول
وثواني وجت رساله تاني كان نصها كالاتي :
" معلهش انا حولتلك خمسه جنيه غلط فلو سمحت تحولهوملي تاني وشكرا لزوق حضرتك" نفس الرقم
استعلمت عن الرصيد علشان ارجعهم للمسكين لقيه صفر
اكتشفت فورا ان دي نصبايه وان الشخص ده بيبعت عشوائي لكل الناس ولو حضرتك عندك رصيد مش هتعرف هل هوه حولك رصيد ولا لآ
وكمان خد بالك ان تحويل الرصيد دايما بتكون الرساله مبعوته من الشركه واسمها علي الرساله حتي لو انته حولت رصيد من خط تاني بيكون رقم الخط جوه الرساله مش العنوان
ولو نجحت معاك في خمسه هتلاقيه باعتلك رساله ب50 ويقلك معلهش تاني وتالت وهكذا
لـــــــــــــــــــذا
خد بالك من النصب عن طريق رسايل المحمول