المشاركة الأصلية كتبت بواسطة mr_astra
ولا يهمك انا تحت امرك
بس انا معرفش هل الخانكة تبع مرور الدراسة ولا فى مجمع تراخيص لمدينة القليوبية ؟؟؟؟
سؤال يطرح بلح
معلش انا اسف فعلا معرفش الخانكة تبع القاهرة الكبرى ولا لا
يبقى كدة الاضمن تروح مرور الخانكة تسال فى شباك الافراجات الجمركية برقم الصادر اللى معاك
وشوف لو وصل الخانكة يبقى ربنا كرم من وسع وكمل اجراءاتك
لو موصلش اسال الموظف اروح مرور اية استعجلة من هناك
|
حبيبى يا استاذ محمد .. انت وشك حلو عليا
بص يا سيدى الخانكة دى مدينه فى محافظة القليوبيه اللى هى تبع القاهرة الكبرى وليها مجمع تراخيص فى بنها الحمد لله انى مش هاروحله
انا روحت النهارده مرور الخانكه والحمد لله لقيت الافراج وصل عندهم
والموظف قاللى انت من الناس المحظوظه اللى ربنا وقعك فى تاجر محترم بعتلك الورق بتاعك
بس طبعا مالحقتش افحص لأنى روحت الساعة 2 الظهر
فبكره بمشيئة الله اروح مرور الخانكة افحص وبعد بكره اروح الزقازيق والخميس بعون الله ارجع مرور الخانكة تانى ... ويارب ماتطولش اكتر من كده
انا مش عارف اشكرك ازاى والله على تعبك معايا
بس ماقدرش اقولك غير جزاك الله خيرا فقد قال الرسول الكريم صلى الله عليه وسلم: إذا قال الرجل لأخيه : جزاك الله خيرا ، فقد أبلغ في الثناء .
وقال الفاروق عمر رضى الله عنه لو يعلم أحدكم ما له في قوله لأخيه : جزاك الله خيرا ، لأكثر منها بعضكم لبعض
جزاكم الله خيرا مره اخرى
اخوك
على عبد الفتاح