المشاركة الأصلية كتبت بواسطة mr_astra
مش حضرتك اللى اشتريت الموتور
لما اشتريتة اديت للتاجر رخصة العربية ؟ اللى هى تبع مرور الزقازيق
كدة اصل الافراج هايروح مرور الزقازيق
والحمد لله انك عملت عقد بيع مسجل باسمك فى الشهر العقارى عشان تبقى امام اى حد المالك
ومن حقك انك تاخد الافراج من الزقازيق لمرور القاهرة اللى انت تابع لية
ودى نقول عليها الخطوة رقم 1
وانت هناك ( فى الزقازيق ) هات شهادة بيانات موجهه للمرور اللى انت تابع لية ..... وما تزعلش اوى لو كنت نسيت تاخد شهادة بيانات تانية للمرور لانهم ما بقوش يرضو يعملو اتنين بيانات
بيؤلك اعملك واحدة تعمل بيها عقد مسجل ولما تعمل العقد اعملك شهادة بيانات للمرور
المهم معاك كدة شهادة بيانات للمرور ودة بحكم ان معاك تصريح مش رخصة
ومعاك اصل الافراج
هات من الزقازيق شهادة مخالفات واستعلام امنى
فى المرور بتاعك هاتروح تعمل تامين اجبارى من اى كشك لاى شركة تامين
و ترفع بصمة شاسية وموتور
ومهندس الفحص هايطلب منك مطابقة بصمة
هتاخد اورنيك الفحص وتروح الزقازيق تعمل مطابقة بصمة ومش مهم تاخد العربية معاك
ترجع مرورك وتقف على الشباك تدفع الضريبة
فى الاحوال العادية عشان يبقى الرد كافى
بنورح نفحص الاول فى مرور القاهرة وناخد اورنيك الفحص ونروح مرورها الاصلى واحنا بنعمل مطابقة بصمة بنعمل شهادة المخالفات والاستعلام الامنى
وبكدة يبقى نقصنا مشوار
لكن فى حالتك افضل الترتيب المذكور الاول
|
ربنا يكرمك يا استاذ وائل على الرد الوافى الكافى
بس فاتورة الموتور موجهة للمرور بتاعى فى القاهرة مش مرور الزقازيق ( يعنى المرور اللى رخصة القياده طالعة منه واللى عنوانى فى البطاقة عليه ) كده هايبقى فيه تعديل فى الخطوات؟
وانا شايف ان لو عملت مشوار المرور بتاعى ووفرنا خطوه هايبقى افضل لأن مشوار الزقازيق ده علقه بصراحه
وياريت حضرتك تقوللى ليه مابتفضلش الترتيب التانى مع انه اوفر فى الوقت والمجهود