السلام عليكم ياهل منتدى مصر الكرام طلعت فى دماغى فكرة هيا حلوة وليها مزايا فيما بعد بعد ما الموضوع ده يتم
طبعا هيونداى هيا اكتر عربية موجوده فى الشارع المصرى واكيد اكتر عربية موجوده هنا فى المنتدى
فانا فكرت بعمل نادى نادى هيونداى يضم جميع فئاتها وكل موديلاتها من الاخر كل حاجة تحت اسم هيونداى حتى لو اتوبيس او ميكروباص مفيش مشكلة ماهو برده هيونداى وليه الحق يبقى معانا
بفكر فى جروب نبقى فيه كلنا نشترك فيه
ننظم مقابلات اقتراحات نسمع شكاوى بعض شكاوى اعضاء من منتديات ومن جماعات تانية
نعمل لينا اسم نكبر فيه اسم النادى ونكبر فيه اسم المنتدى نحاول نوصل بالنادى والمنتدى اننا نجيب عروض من التوكيلات وخصومات نساعد الاعضاء على اللى بيدور على حاجة اللى عايز تعديل ندله على التعديل الصح اللى يفيد مش يضر
ومش يبقى نادى او جروب عربيات بس لا يبقى فيه لمسة اجتماعية
انا هبدأ بنفسى فى اشتراك النادى
وائل مصطفى
24 عام
الاكاديمية البحرية -شيراتون
جيتز 2010 كحلى
معلومة صغيرة اول مقابلة معادها قريب اوكى