[AbOnOrA]

أم أفكر فى كرامتى التى انتهكت وإحساسى بأن مجهودى من مشاركات وتواصل مع الناس مهدد بأن ينقطع لمجرد أهواء شخصية لصاحب المنتدى ؟

معلش بس انا عارف انا برغى كتير وهرغى كتير فى المواضيع ديه زى ما قولت مبزهقش بس الحته ديه تحديداً عايزة رد مركز ومحتاج منك تعقيب واضح برضو

حضرتك فين شوفت اى حاجة مكتوب عليها صاحب المنتدى هنا فى مصر موتورز والمصطلح ده جبته منين اصلاً

علشان ديه من المصايب اللى احنا بنعانى منها كمفهوم ملتبس عند الناس مع منتديات او مواقع تانية

هنا المنتدى لو قريت التعريف بيه ونظام الاساسى هتلاقى ان ملكية المنتدى ومحتواة للاعضاء جميعهم ومن الاعضاء دول نفسهم فيه مؤسسين وفيه مشرفين والقرارات بتتاخد كلها باليات بجد ديموقراطية من قبل الثورة حتى والله


ثانياً سواء الاخ ده ولا التانى محدش فيهم ليه اسهامات قيمة فى المنتدى وطبعاً كمجتمع بنراعى بين حد ليه اسهامات ومعروف وكل حاجة بس فى نفس الوقت فيه حدود وفيه ضوابط عامة بتمشى على الكل ولو فيه تساهل او تشديد لازم بيبقى على كل المشاركين فى نفس السياق ولسه من اسبوعين كان عندنا 3 اعضاء اتوقفو بسبب شتايم فى بعض اتنين منهم مؤيدين للشرعية واحد مؤيد للسيسى واغلبهم ليهم مشاركات واسهامات بس بعد طرح الموضوع على الناس بتصويت مفتوح اتاخدت القرارات فى حقهم مكانش بمزاج مشرف واحد ولا مؤسس واحد حتى مش كمان صاحب المنتدى زى ما بتقول فارجو التوضيح بس علشان بجد عايز اعرف الكلمة ديه او التصور ده مصدرة ايه بالظبط عندك