السلام عليكم:::
كنت عملت موضوع خاص بتظبيط عفشة سبرانزا 516 على الرابط التالى
http://www.masrmotors.com/vb/showthread.php?t=122931
النهردة كان لى تجربة فى العفشة (عربية اخرى ) وحابب انى اوضحها لحضراتكم
العريبة بتاعه صديق طبيعة عملة شاقة شوية
غيرت عفشة بالكامل ولكن غيرت فى الانواع اللى ركبت بالنسبة للموضوع الاول
كل قطع الغيار اشترتها من الحرفيين من محل اسمة "كريم وكريم " فى شارع المرسيدس - الدور الثانى
وتقريبا ان صاحب المحل مشارك الشيخ طة بتاع الاستيراد
يبقى كريم وكريم عندة المحل فى الدور الثانى
عندة مخزن انا دخلتة لقطع الغيار الاستيراد وبصراحة انا زوهلت من كمية العربيات المتقطعة
هو بدروم بمساحة كبيرة جدا وفية تقريبا كل العربيات الصينى
عينى جابت سبرانزا وشيرى كيو كيو وشيرى A11 بس بكميات كبيرة جدا
والمخزن دة فى شارع متفرع من شارع المرسيدس (يوسف صبرى ابو طالب)
كمان عندة مخزن لا يقل عن المخزن الاول ولكن خاص بقطع الغيار الجديدة
صاج بالكامل وكل قطع الغيار للاسبرانزا
جبت عدد 2 مساعد امامى صينى بسعر 650 جنية ودى صورة الكرتونة بتعتهة
ودة المساعد.... بالفعل حاجة محترمة اوى يعنى بدون مبالغة ما تقدرش تشيلة ودى صورتة
طب يا جماعة انا هاكتب الاسعار كولها لانى بحاول بقالى شوية ارفع الصور لسبب ما فى مشكلة فى رفع الصور
وبعد لما الموضوع يتنشر فى المنتدى واحدة واحدة هارفع الصورة
جوز مساعد امامى صينى حاجة محترمة بـ 650 جنية
عدد 2 بطاحة امامى بـ 150 جنية
عدد 2 مقص امامى حاجة محترمة بـ 400
عدد 2 مسمار ميزان بـ 100
عدد 2 تيش علبة دركسيون 120 بس خلو بالكم لازم تاخد القديم معاك عشان فى 3 مقاسات وملهمش معيار ولا موديل ولا اى حاجة
عدد 2 بيضة طرف بـ 150 جنية
عدد 2 طنبورة امامى بـ 250 جنية
وطبعا عشان الطنابير جديدة فضلت ان اللى يشتغل عليها تيل فرامل جديد عشان يطبعو مع بعض واخد نتيجة كويسة جبت طقم تيل امامى صينى بـ 75 جنية
وطبعا غيرت كاوتشة مزيكا وصداد للمساعد
جوز مساعدين خلفى غاز حاجة محترمة اوى 350
ملحوظة (الناس اللى ناوية تعلى العربية من الخلف طقم المساعدين دة ميمشيش معاهم لان الطبق بتاعة ملحوم فى جسم المساعد )
سير دينامو 100
بكرة سير دينامو 50
فلتر هواء20
فلتر بنزين 30
تكست A516 اللى بتتلزق على الشنطة جهه اليمين ببلاش
2 لوجو سبرانز برضة ببلاش
اخت خصم بمبلغ 90 جنية على اجمالى المشتروات
ودى صورة لحاجات العفشة اللى اتفكت
ودى صورة للعفشة اثناء التركيب
وكان فى زبون بيشترى طقم دبرياج فاليو اصلى
البلية والماستر الفرعى حتة واحدة بـ 350 جنية
الدسك والاسطوانة بـ 550 جنية
النتيجة اكثر من رائعة وصوت المساعدين لما تنزل فى مطب بيطلع صوت هواء معروف اوى خصوصا فى العربيات الالمانى صوت ممتع
وظبط زوايا عند درش فى عين شمس وكان ظبط محدود جدا نتيجة لمهارة العفشجى اللى اشتغل فى العربية