رد: الفرامل عندي ضعيفة جدا
غير الميكانيكى
الفرامل ليها ماستر و سيرفو و مواسير و خراطيم و تيل و كل حاجه سواء قديم أو جديد
العربيات الحديثة (بعضها) نازل بنظام ABS - EBD ده أكيد مش عندك بس مش ده إللى يخلى الفرامل ضعيفة
- أولاً خلى الميكانيكى يفحص خراطيم الفرامل (الزيت و السيرفو) ممكن يكونا مسدودين أو قربوا يتسدوا
- بعد كده هيسحب الهوا من الدورة كلها (من عند الأربع عجلات) - يهوى مسمار 8 تقريباً و تفضل تكارك بسرعة و كتير و بعدين يربط.
- يكشف على التيل و الطنابير بالمرة و يقولك حالتهم إيه
- و متنساش تزود زيت باكم فى علبة زيت الفرامل و تحط مياه على آثار الزيت على الكاوتشات و فى حوض العربية لأن الزيت ده حامى و بيأكل البوية.
بعد كده تطلع بالعربية فى طريق فاضى, تجرى و تدوس فرامل للآخر, يعنى تجيب آخر الدورة علشان الزيت يمشى بسهوله و يملأ المواسير و الخراطيم.
لو بعد الشغل ده لسه عندك مشكله يبقى لازم فرملجى (مش ميكانيكى) و يكشف على الفرامل كلها.
و مفيش حاجه إسمها طقم إصلاح للفرامل ده كلام فارغ و إشتغالات صنايعية.
الأفضل تشترى جديد أو حتى إستيراد بس طبعاً حالته كويسه.
__________________
|