[abokoko]

المشاركة الأصلية كتبت بواسطة mr_astra لا يتم اى لحامات على القنطرة اثناء التركيب والطقة كنا اتكلمنا فيها قبل كدة يا ابو كوكو وكان توقعى انها بيضة مقص القنطرة اللى بيبوظ فيها مكان دخول المقص فيها والسوط بنها وبين المقص بيكون جلبة المقص فلو تالف المكان دة اولا عمر الزوايا ما هاتتظبط وتلاقى العربية بتعوم فى الطوالى مع تعرجات الطريق انما طقة لازم دمغنا تروح لبيضة المقص على طول

الى الان اعتقادى الخاص - ان سبب الطقة هو البيضه -

لكن فكينا العجلة وحل مكان البيضتين العلويه والسفليه
وحركهم بايده فى كل الاتجاهات
وقال انهم سلام وحتى مش مبوشين
ورحنا لواحد تانى رفع العربيه بالكوريك
وجاب حديده طويله وحطها تحت العجله وقعد يهز العجلة لفوق وتحت بالحديده وبعدها بايده والعجلة راكبه والعجلة على الارض قعد يحرك فيها فى كل الاتجاهات

وقال المقص والبيض مفهمش حاجه وقال ممكن يكون حاجه فى الصره
وقال لى روح لميكانيكى
وانا كنت اصلا عند الميكانيكى


فقال لى ممكن تكون القنطرة

ورحت لواحد تانى شاف العربيه من تحت وبعدين طلع معايا
ودخلنا شوارع مكسرة علشان الصوت
وقال القنطرة فيها شرخ للداخل من ناحية الموتور
وما ينفعش يتلحم
فقلت القنطرة اساسا كانت ملحومه من اعلى وجايز يكون اللحام فك وبدأ يسرح
زى ما بيقول

علشان كده هغير القنطرة
وانا بغيرها لو لقيت حاجه فى المقصات ( ودى كانت حكاية لوحدها -خولنى غيرت مقص العربيه الاصلى بواحد استيراد شمال سفلى -- وبعدها قالوا لى الطقه من المقص اليمين العلوى لان الجلب وسعت وكنت هغيرها فعلا )

صراحة هما شكلهم بيجربوا بدون تيقن من السبب الى الان