رأيكم في الريــس المستعمــل
سلام عليكم ,
شباب انا كنت ناوي قدام شوية انقل واجيب هوندا 600
بصراحة نفسي في الـ F4i , بس قلت مش لازم المرة دي , ممكن آخد حاجة ارخص و بعدين اطلع للأعلى ...
فكرت في الـ F3 ...
انا عايز رأيكم في الريسات المستعملة بشكل عام ...
انا معايا Bajaj Pulsar 200 NS 2013 بصراحة انا بحب البايك دي جدا, سواقتها عجباني ومختلفة عن الموتوسيكلات العادية , هى Street Fighter مش موتوسيكل Standard , وسواقتها فيها ميل عند الملفات وكدة , وكمان البايك جديدة, عشان كدة الواحد بيبقى مطمئن وهو سايق شوية.
وبعدين فكرت في موضوع ان لو الواحد عايز يجيب ريس هيكون وش مستعمل قبل كدة كذا مرة , حتى لو إفراج محدش عارف برة كان حاصله ايه ... فأنا عايز رأي أهل الخبرة ...
لأن لو كدة , انا ممكن اجيب Honda 250 CBR كسر زيرو , ولو حصله حاجة هيتصلح عند التوكيل مش ميكانيكي ... مع إني عارف ان الـ 250 الجديد تجميعه مش قوي ولا حاجة زي القديم و مش زي الـ 600 طبعا ...
شكرا واسف للإطالة, وفي انتظار ردودكم ...
|