رد: الاختيارات
الله يكرمك بالخير
المشكلة المحلات اللى اعرفها مش موجود فيها قنطرة ال لادا
وقولت لصاحب محل يجيبها لى - وقال لو عايزها يبقي استنى شوية لانه مش هيشترى بضائع الان
وقال الاسبانى ب275 وانا مش عارف الاسبانى هتكون احسن من الروسي ولا ايه ؟ رغم انى بميل انى ابدل اى حاجة فى قطع غيار ال لادا بنوع تانى غير الروسي وطبعا غير الصينى
والاغرب ان بتاع العفشة قال ان القنطرة الاصليه ممكن تعمل 600 جنيه ؟؟
كمان فى محل بطلب منه قطع الغيار اللى عايزها وبيجيبها لى خلال اسبوع
لكن مش هقدر اطلب منه حاليا
لانى طلبت منه مقصات ال لادا وجاب نوعيه و رفضت اخذها بعد ما وريتها ل2 صنايعيه
طبعا هو جابها بناء على طلبي - لكن انا مش مجبر انى اخد حاجه مش عجبانى خصوصا انه عارف انى بشترى الافضل حتى لو اغلى
اسف للاطاله
__________________
ربي لا تردني الي ارذل العمر- وردني اليك مردا جميلا . و توفني وانت راضي عني و عنا. برحمتك يا ارحم الراحمين
|