المشاركة الأصلية كتبت بواسطة king.king
متشكر جدا استاذ عمر لزوقك العالي وشكر خاص للاستاذ احمد علي اللي عرفيني علي انسان محترم زيك بس بردو حاول تفتخ مركز صيانه بجد انت بسم الله ماشاء الله مش حسد ماسك الخشب اهو ويااستاذ عمر بجد ربنا يوفقك للخير كله
وتحياتي للاستاذ احمد علي
بس عايز اعرف شويه حاجات عن العربيه معلشي هدوشكم شويه معلشي لسه جديد في معرفتي بالسيارات طبعا الفرق واضح فيات 128 والاوبل واخر مره ركبت فيها عربيه سنه 1998 معلشي بقي هدوشكم شويه
وانا عند الميكانيكي سمعت بيكلم واحد وبيقوله الفتيس الاتومتيك عندك ضعيف ازاي الواحد يعرف ان الفتيس ضعيف وازاي يعرف ان الماتور خفيف واي العلاج لكل حاله من دي
حاجه كمان ازاي اعرف ان الفتيس الاتومتيك عايز يزود زيت ولا لا هل عن طريق مقاس الزيت
وكمان عايز اعرف امته بيتغير زيت الفتيس الاتومتيك وزيت الفرامل
|
شكرا يا استاذ اشرف احنا الي اسعد بمعرفتك
وياريت تقولنا الميكانيكي دة فين
مافيش حاجة اسمها الفتيس ضعيف
ممكن تقول الفتيس بياخر نقلات الفتيس بيخبط الغيار بينتش وحاجات مثل ذلك
قياس الزيت والفتيس يكون سخن من مشوار وتعشق العربية علي r
بس يكون حد معاك علشان يدوس فرامل بلاش فرامل اليد
وحتلائي المقاس بجوار البطارية من ناحية الموتور
ومدرج علية تدريجين واحد 20 درجة والتاني 80 درجة
طبعا خليك علي 80 درجة
انصحك نصيحة اخوية اعمل سرفيس كامل للعربية شكلك ماعملتش حاجة
ياريت تقولنا اية الي انت عملتو من ساعت ماجبت العربية
وبالنسبة للموتور شوف الموضوع دة
http://www.masrmotors.com/vb/showthread.php?t=90049
واية الي خلاة يغير الكوبلن من الصعب المشرر يتلف الحساس هوا الي بيتلف بس
وخلي استفساراتك كلها في موضوع واحد علشان يكون موضوع ملم