رد: حاسس اني قرفان من العربية :(
حبيبى و زميلى فى الكفاح
أخوك بيعانى من نفس المشكله بقالى سنه و نص (يعنى المفروض أستلم جائزة المكافح المطحون)
القديم كله فيه مشاكل لا تنتهى
فعلاً أمل حياتى أقعد أسبوع كامل من غير ما أسلم على أى صنايعى
ده أنا صاحبتهم و بقيت بأعزمهم على غدا و ساقع, ناقص إنى أروح أقعد معاهم عالقهوة البلدى آخر الليل علشان نبرشم و نشرب مخدرات !!! الحمد لله الذى عافانا منها
أنا حاسس بمقدار القرف و الزهق لما تبقى عمال تصرف و تصرف و أعصابك تتعب و مخك يودى و يجيب فى كل مشكله شوية و التعامل مع الصنف بتاع الصنايعية ده عذاب لواحده
و خاصة لما تكون زى حالاتى, عاوز حاجه ماتت و إتدفنت و إتحاسبت و دخلت النار كمان, عاوزها قال إية تريحك ؟؟؟
بأنصحك و إنصح نفسى قبلك, حاول على أد ما تقدر تتعايش
__________________
|