الموضوع
:
بعد ما عملت الموتور .. كام استفسار ياريت تساعدوني فيه
عرض مشاركة واحدة
#
1
12-01-2014, 04:58 PM
احمد الجارحـي
من انا؟: بنى آدم هكون إيه يعني!؟
التخصص العملى: مدير مبيعات ف شركة سياحة
هواياتي: كمبيوتر و مؤخراً سيارات
تاريخ التسجيل: Dec 2013
الموقع: القاهرة
المشاركات: 79
بعد ما عملت الموتور .. كام استفسار ياريت تساعدوني فيه
بسم الله الرحمن الرحيم
شباب انا عربيتي 128
و عندي كذا أستفسار و ياريت تساعدوني ف اجاباتها
ده للون العربية بشكل عام عشان علي اساس اللون هتحاولوا تساعدوني ف تقدير التكلفة للمطلوب الأتي :-
1- لو عايز اشيل بوية الشنطة و اخليها ع الصاج و تاخد دوكو من جديد ميتاليك يكلفني ف حدود كام!؟ لان الشنطة الدوكو بتاعها متقشر و واخدة معجون كتير و حالتها تقرف الكلب الحزين.
2- عندي كام نقرة ف هيكل العربية لازم تاخد دوكو نفس اللون ايه أنسب حل ليها من ضمن النقرات في الرفرف اليمين ورا و في الشمال ورا و ف اليمين قدام
3- الصالون عندي فيرنا الكرسي اليمين الجرار بتاعه مش شغال ده غير انه عايز شغل للحام لان الكرسي مش ثابت ايه أنسب حل ف رأيكُم؟
4- لو حبيت أعمل سبويلر للشنطة سبويلر زي ده
ثمنه كام ؟ ولو حبيت أدهنهُ نفس للون العربية يكلفني كام الدوكو؟
5- بفكر أدهن الجنوط للون يكون مُتناسب مع للون العربية و للون الصالون البيج فكرت ف للون فسفوري فاقع ايه رأيكم ف اللون و ازاي ادهن الجنوط ؟
6- كمان عايز اركب اضائة للصالون بدل المعفنة المحروقة اللي فيها
أعمل إيه!؟
7- بفكر أركب قطعتين زجاج كهرباء امامي و ليا معارف قالولي هات قطعتين تيوتا عشان هما نظاف عايز اعرف يعملوا كام و تركيبهم ف حدود كام؟
8- كمان عايز أعرف الفرامل عندي ورا ضااااايع الهاند بريك مش شغال روحت لبتاع الفرامل قالي هنجيب تيل جديد بحوالي 95 او 100 جنية و مصنعية تركيب 60 ج
ده إيه ظروفة !؟
معلش طولت عليكم
يلا يا شباب مستني ردودكم
احمد الجارحـي
مشاهدة ملفه الشخصي
إرسال رسالة خاصة إلى احمد الجارحـي
البحث عن المشاركات التي كتبها احمد الجارحـي