[طارق المحلاوى]

كنت عملت موضوع تحت عنوان (ايه المشكله لو زيت الموتور أعلى من علامه MAX؟)
والحقيقة كانت المشاركات بناءه ومفيده جدا وقد توصلت للآتى:-
1- العربية بتاخد 4 لترات فقط مش 5 وبالفلتر كمان والكلام ده مش من عندى ده منقول من الكتالوج الأنجليزى للسيارة وهتلاقوه فى لينك فى المشاركة السابق ذكرها واللى افادنا به احد المشاركين المحترمين (له كل الشكر) وان حكايه ان العربية كبيرة وبتاخد 5 لترات دى اشتغالات مراكز الصيانه علشان يلهفوا ثمن اللتر الخامس (ثمن اللترالواحد من موبيل وان تقريبا= 75 جنيه.. اوعى تتخض ) اما الصنايعية فى محطات البنزين اوعى تسمع لهم دول عاوزين يعملوا فيها بيفهموا وخلاص
2- بعد ماحطيت 4 لترات فقط بالفلتر لاقيت الزيت بين العلامتين وأقرب لعلامه max ( يعنى تمام) ومشيت على بركه الله لاقيت العربيه زى الفل ومش متكتفه زى الأول
3- المفاجأه .. انى انا بحط للعربيه زيت مصر1 (مصر للبترول) ثمن العبوة 4 لترات= 90 جنيه فقط وده كان ثالث مره استخدمه والعربية والحمد لله تمام التمام